सचिन चिटणीस…..या चित्रपटाला मिळत आहेत 3.5 स्टार
‘तुझे लग्न लवकरच होणार, पण एक प्रॉब्लेम आहे महाराज, तुमचा रात्रीचा काहीतरी घोळ आहे’ शरीराने अतिशय किरकोळ असलेला आणि त्याच मुळे लग्न ठरत नसलेला वसंत बापूसाहेब खाटमोडे ( प्रणव रावराणे )
या वाक्यामुळे अतिशय खुश होतो मात्र जोतिषाने सांगितलेला ‘घोळ आहे’ या वाक्या मुळे अतिशय चिंतेत पडतो त्यातच त्याला स्थळ सांगून येते हरिप्रिया जगदाळे ( सायली संजीव ) चे आणि हरिप्रिया वसंतला पसंद करते.
मात्र आपल्या अश्या बारीक शरीरयष्टी मुळे आपल्याला लग्नानंतर बायकोला शरीरसुख देता येईल का या चिंतेने वसंत काळजीत असतो त्यातच मित्र त्याला अफलातून सल्ला देतात आता या सल्ल्यामुळे वसंताचे वैवाहिक जीवन सुखी होते का त्यात काही प्रॉब्लेम्स येतात हे मोठ्या पडद्यावर पहाणेच धमाल आहे.
प्रणव रावराणे व सायली संजीव यांनी चित्रपटात धमाल केली आहे, प्रणव, सायलीची नृत्य जमून आली आहेत. चित्रपटाचा फर्स्ट हाल्फ प्रेक्षकांना तुफान हसवतो, सेकंड हाल्फ थोडा सिरीयस झाला असून दिग्दर्शक शेवट पुन्हा ट्रक वर आणण्यात यशस्वी झाला आहे.
मायदेश मीडिया आणि सुबोध भावे प्रस्तुत ‘आटपाडी नाईट्स’ या चित्रपटाची कथा, पटकथा, संवाद आणि दिग्दर्शन नितिन सिंधुविजय सुपेकर यांनी केले आहे,
एका संवेदनशील विषयावर हलक्या फुलक्या अंदाजात भाष्य करणारा ‘आटपाडी नाईट्स’ चित्रपटात….
प्रणव रावराणे (वसंत बापूसाहेब खाटमोडे)
सायली संजीव (हरिप्रिया जगदाळे)
सुबोध भावे (डॉ. सुशील)
संजय कुलकर्णी (बापूसाहेब खाटमोडे)
छाया कदम ( लक्ष्मी खाटमोडे)
समीर खांडेकर (विलास खाटमोडे)
आरती वडगबाळकर ( मनीषा खाटमोडे)
श्वेता परदेशी (शालू)
योगेश इरतकर ( आबा माने)
विठ्ठल काळे ( आटपाडीचा डीव्हीडी)
जतिन इनामदार (जितु बलकवडे)
चैत्राली रोडे (बबिता देखणे).
