लांजा /मिलिंद बेर्डे
कोकणातील भव्य बैलगाडा शर्यतीवर कोल्हापूर
जिल्हाचे वर्चस्व .
लांजा तालुक्यातील भांबेड येथील तरुण मित्र मंडळाच्या वतीने आयोजित राज्यस्तरीय बैलगाडी स्पर्धेत शाहूवाडी येथील वीर किरण सकपाळ यांच्या गाडीने प्रथम क्रमांक पटकावला.
तरुण मित्र मंडळ भांबेडच्या वतीने ३१ व्या वर्षी या राज्यस्तरीय बैलगाडी स्पर्धेचे आयोजन करण्यात आले होते. ही स्पर्धा भांबेड श्री महालक्ष्मी देवी गांगोचा माळ या ठिकाणी पार पडली. या स्पर्धेला स्पर्धक आणि प्रेक्षकांचा उदंड प्रतिसाद लाभला. स्पर्धेत राज्यस्तरावर शाहूवाडी येथील वीर सकपाळ यांनी प्रथम क्रमांक पटकावला. द्वितीय क्रमांक लांजा तालुक्यातील कुरचुंब येथील द्वारकानाथ माने यांनी तर तृतीय क्रमांक लांजाच्या राहुल मुळ्ये यांनी पटकावला.
जिल्हास्तरावर प्रथम क्रमांक कुरचुंब येथील द्वारकानाथ माने, द्वितीय क्रमांक संगमेश्वर आरवली येथील स्वराज गुरव आणि तृतीय क्रमांक साडवली येथील महेश लिंबूकर यांनी पटकावला. तालुकास्तरावर प्रथम क्रमांक संतोष सरफरे लांजा, महेश दिनकर बने कोचरी याने द्वितीय तर श्रीकांत अर्जुन गुरव यांनी तृतीय क्रमांक पटकावला. गाव स्तरावर प्रथम शरद गुरव यांनी, द्वितीय रघुनाथ गुरव यांनी तर तृतीय सुनील कांबळे यांनी मिळवला
राज्यस्तरावरील प्रथम क्रमांकास रोख १५००० व ढाल, द्वितीय क्रमांकास रोख १०००० व ढाल, तृतीय क्रमांकास रोख ७००० व ढाल जिल्हास्तरीय प्रथम क्रमांकास रोख १००००, व ढाल द्वितीय क्रमांकास रोख ५००० व ढाल तृतीय क्रमांकास रोख ३००० व ढाल, तालुकास्तरीय प्रथम क्रमांकास रोख ५००० व ढाल, द्वितीय क्रमांकास रोख ३००० व ढाल, तृतीय क्रमांकास रोख १००० व ढाल, गावस्तरिय प्रथम क्रमांकास रोख ३००० व ढाल, द्वितीय क्रमांकास रोख २००० व ढाल, तृतीय क्रमांकास रोख १००० व ढाल अशी भव्य पारितोषिके देण्यात आली.
बैलगाडी शर्यती यशस्वी होण्यासाठी तरुण मित्र मंडळ, भांबेड चे कार्यकर्ते व भांबेड मधील ग्रामस्थ मेहनत घेत आहेत.
