प्रचंड कडकडाट करत वीज कोसळली घरावर, लांजा तालुक्यातील बेनीखुर्द येथील घटना. सुदैवाने मायलेक बचावले
लांजा (मिलिंद बेर्डे )प्रचंड कडकडाट करत वीज घरावर कोसळण्याची घटना लांजा तालुक्यातील बेनी खुर्द येथे रविवारी सायंकाळी साडेपाच वाजण्याच्या दरम्याने घडली. सुदैवाने घरात असलेली मायलेकरे बालंबाल बचावली.
रविवारी १६ ऑक्टोबर रोजी सायंकाळी पाच नंतर विजेच्या कडकडाटासह पाऊस कोसळत होता सायंकाळी साडेपाच वाजण्याच्या दरम्याने तालुक्यातील बेनी खुर्द येथील वसंत कदम यांच्या घरावर वीज पडली. यावेळी वसंत कदम यांची पत्नी आणि मुलगा घराच्या पडवीमध्ये गप्पा मारत बसले होते. ही वीज घराच्या पुढील दरवाजाने आत शिरून भिंतीला भगदाड पाडून बाहेर पडली .या घटनेत कदम यांच्या घरातील विद्युत मीटर आणि इतर सर्व साहित्य जळून खाक झाले आहे. मात्र दैव बलवत्तर म्हणून कदम यांच्या पत्नी आणि मुलाला कोणतीही दुखापत झाली नाही. ते या घटनेत बालंबाल बचावले आहेत.
