करोना व्हायरस ने देशभरात दहशत पसरवली असून लोकांच्या मनात भीतीचे वातावरण पसरले आहे. जरी सरकारी यंत्रणा कॉर्पणाचा मुकाबला करण्यासाठी आम्ही सज्ज आहोत, लोकांनी घाबरून जाऊ नये असे म्हणत असले तरी ज्या वेगाने करोना व्हायरस पसरत आहे ते पाहता आता लोकांनांच खबरदारी घ्यावी लागणार आहे असे दिसते.
भांडवल बाजारावर करोनाचा जबरदस्त परिणाम हाल असून आता पर्यंत तब्बल जवळपास १० लाख कोटी बुडल्याचे सांगण्यात येत आहे तर मनोरंजनसृष्टीचे ५०० कोटीचे नुकसान झाल्याचे बोलले जात आहे. नाटकाच्या तालीमी चित्रपटाचे शूटिंग सेफ्टी मास लावूनच करण्यात येत आहे.
दुबईला फिरायला गेलेल्या पुण्यातील दाम्पत्याला व त्यांच्या मुलीला कॉरोनाची लागण झाल्याचे निश्चित झाले तद्नंतर त्यांच्या संपर्कात आलेल्या टॅक्सी ड्रायव्हरला सुद्धा करोनाची लागण झाल्याचे निश्चित झाले असून त्यांना पुढील उपचारासाठी कस्तुरभा रुंग्णालयात ठेण्यात आले आहे.
