नवनवीन कथाविषयांमुळे मराठी चित्रपटसृष्टीत नवचैतन्य आलं असं म्हटलं तर वावगं ठरणार नाही. हटके कथा आणि तितक्याच ताकदीची मांडणी या दोन गोष्टींच्या जोरावर आपलं वेगळंपण सिद्ध करणारा आणखी एक मराठी चित्रपट लवकरच येऊ घातलाय. ‘तराट’ नावाप्रमाणेच वेगळेपण जपणारा हा मराठी चित्रपट रवी वाव्होळे आणि सागर भंडारे यांनी दिग्दर्शित केला आहे. दसऱ्याच्या शुभ मुहूर्तावर निर्माते सागर भंडारे यांनी आपल्या चित्रपटाची पहिली झलक खास रसिकांसाठी घेऊन आले आहेत.
वृंदावन एन्टरटेनमेन्ट अँड फिल्म्स निर्मित ‘तराट’ची कथा रंगीलगावामध्ये घडते. पाच मित्रांच्या उनाडक्यांच्याअनुषंगानं खुलणारा ‘तराट’ हा चित्रपट प्रेक्षकांना आपल्या तरुणवयातील खोडसाळ आठवणींना उजाळा देईल असा आहे.
‘तराट’ चित्रपटाची कथा व पटकथा आणि संवाद – रवी वाव्होळे आणि सागर भंडारे यांनी लिहिलेली असून चित्रपटाच्या पोस्टरद्वारा मराठी चित्रपटसृष्टीत ‘तराट’ हा आगामी मराठी चित्रपट सर्वांचेच लक्ष वेधून घेत आहे.
