दिवाली के बाद भी दिवाली, नोव्हेंबर महिन्यात प्रदर्शित होणार तब्बल २३ चित्रपट
चित्रपट प्रेमींसाठी नोव्हेंबर महिना हा दिवाली के बाद भी दिवाली, असा जाणार आहे. नोव्हेंबर महिन्यात मराठी, हिंदी, कन्नड, तेलगू , मल्याळम, पंजाबी या सहा भाषेत हॉरर, कॉमेडी, रोमान्स आणि अँक्शनने भरपूर असे एकूण २३ चित्रपट प्रदर्शित होणार असून चित्रपट रसिकांसाठी ही एक पर्वणीच मानली जात आहे.
नोव्हेंबर महिन्यात मराठी चित्रपट रसिकांसाठी पहिल्याच आठवड्यात ‘मन कस्तुरी रे’, ‘प्रेम प्रथा धुमशान’, ‘३६ गुण’, ‘प्रेम म्हणजे काय असतं’ आणि ‘पल्याड’ हे चित्रपट भेटीस येण्यास सज्ज झाले आहेत.
तर हिंदीत तब्बल सहा चित्रपट रिलीज होणार असून दिवाली के बाद भी दिवाली असा माहोल तयार झाला आहे. यात कॅटरिना कैफ, ईशान खट्टर आणि सिद्धांत चतुर्वेदी यांचा हॉरर कॉमेडी ‘फोन भूत’ तर सोनाक्षी सिन्हा आणि हुमा कुरैशी यांचा ‘डबल एक्सएल’ तसेच जाहन्वी कपूरचा ‘मिली’, ‘कुत्ते’, ‘धूप छांव’ आणि ‘रामराज्य’ हे चित्रपटदेखील रिलीज होणार आहे.
कन्नड मध्ये अँक्शनसोबत रोमॅन्टिक अंदाज सिने रसिकांना पहावयास मिळणार आहे यात पहिला ‘बनारस’ आणि दुसरा ‘कांबलीहुला’ हे आहेत.
तेलगूमध्ये तर सिने रसिकांचा एक- दोन नाही तर तब्बल सहा चित्रपटांची मेजवानी मिळणार आहे यात ‘उर्वसिवो रक्षासिवो’, ‘मिस्टर तारक’, ‘सराधी’, ‘अकाश्म’, ‘लाइक, शेयर अँड सब्सक्राइब’ आणि ‘जेट्टी’ हे चित्रपट असणार आहेत.
मल्ल्याळम मध्ये ‘सॅटरडे नाइट’, ‘कूमॅन’ आणि ‘एलम सेट्टनु’ हे चित्रपट सज्ज आहेत.
पंजाबी मध्ये अभिनेता एमी विर्क याची मुख्य भूमिका असणारा ‘ओए मखना’ हा रोमँटिक- कॉमेडी चित्रपट रिलीज होत आहे.
या मुळे चित्रपट रसिकांना दिवाली के बाद भी दिवाली साजरी करण्याची उत्तम संधी मिळणार आहे
