भांबेड येथे साकारण्यात आला आहे गोकर्ण अर्थात आत्मलींगाची स्थापना देखावा
मिलिंद बेर्डे / लांजा
गेली ४१ वर्षे सार्वजनिक गणेशोत्सव साजरा करणाऱ्या लांजा तालुक्यातील भांबेड येथील नवयुग उत्कर्ष युवक मंडळ भांबेड पेठदेव यांच्यावतीने यावर्षी गणेशोत्सवानिमित्त गोकर्ण अर्थात आत्मलिंगाची स्थापना हा देखावा सादर करण्यात आला आहे. हा देखावा भाविकांच्या विशेष पसंतीला उतरला आहे.
भांबेड येथील नवयुग उत्कर्ष युवक मंडळाच्यावतीने सार्वजनिक गणेशोत्सव साजरा करण्याचे यावर्षीचे ४२ वे वर्ष आहे. या उत्सवानिमित्त दररोज विविध धार्मिक ,सामाजिक ,
सांस्कृतिक कार्यक्रमांचे आयोजन करण्यात आलेले आहे. या मंडळाच्यावतीने गेली ४१ वर्षे हा उत्सव साजरा करण्यात येत असून या निमित्ताने आजवर विविध पौराणिक, ऐतिहासिक देखाव्यांच्या माध्यमातून मंडळाने शैक्षणिक ,सामाजिक, धार्मिक संदेश देण्याचा यशस्वी प्रयत्न केलेला आहे .अशा देखाव्यांच्या माध्यमातून जनजागृती करण्याचा प्रयत्न देखील मंडळाने केलेला आहे.
या वर्षीचे ४२वे वर्षे असून मंडळाच्यावतीने गोकर्ण हा देखावा सादर करण्यात आला आहे. हा देखावा भांबेड पंचक्रोशीसह तालुक्यातील भाविकांसाठी विशेष आकर्षणाचा भाग बनला आहे. या संपूर्ण उत्सवासाठी मंडळाचे अध्यक्ष भालचंद्र लाड, उत्सव समिती अध्यक्ष राजेंद्र गांधी तसेच अन्य सर्व पदाधिकारी, सदस्य यासाठी मेहनत घेत आहेत.
