हो खरेच आपल्याला आता सावध राहावे लागणार आहे, कारण तुम्ही तिच्या नजरेला नजर दिलीत की ती तुमचा जीवच घेणार आहे….नाही नाही हे आम्ही नाही म्हणत आहे तर खुद्द तिनेच तशी गर्भित धमकी दिली आहे. “कोण ती ? म्हणून काय विचारता तीच ती जिने अण्णानाही सोडले नाही, अहो आपली शेवंता हो. आपली म्हणजे तुमची हं…..
तर, झी मराठी वाहिनीवर रात्रीस खेळ चाले या मालिकेचा सीझन-३ सुरू झाला मात्र कोविड-19 मुळे तो काही काळ बंद होता. आता १६ ऑगस्ट पासून सोमवार ते शनिवार रात्री ११ वाजता ही मालिका पुन्हा सुरू होत आहे आणि प्रेक्षकांना उत्सुकता आहे ती शेवंतांची अर्थात अपूर्वा नेमळेकरची मात्र या वेळेस शेवंताच्या नजरेला नजर देतांना तुमचा जीव सुद्धा जाऊ शकतो हे आमचे नाही तर खुद्द शेवंताच म्हणण आहे.
https://www.instagram.com/p/CSUlpucKn8I/?utm_medium=copy_link
शेवंताची लवकरच मालिकेत एन्ट्री होणार आहे. तिच्या येण्याचा टीझर नुकताच प्रदर्शित करण्यात आला आहे. ‘तिला पाहून फक्त काळजाचा ठोका चुकणार नाही तर थांबेल कायमचा’ असे टीझरच्या कॅप्शनमध्ये म्हटले आहे.
तर टीझरमध्ये शेवंता म्हणतीय, जरा धीर म्हणून नाही तुम्हाला सारखं कुठे गेली, कुठे गेली. कुठे जाणार. तुम्ही बोलावल आणि मी येणार नाही. असं कधी होईला का? आलेच, फक्त नजरेला नजर देऊ नका. आजपर्यंत घायाळ केलं यावेळी जीवचं घेणार,” असे शेवंताने म्हटले आहे.
तर अपुर्वाने स्वतःच्या इन्स्टाग्रामवर हा टीझन लाँच करत आता सगळ्यांचा बदला घेणार असल्याचे म्हटले आहे.
मग करताय न डेअरिंग १६ ऑगस्टला रात्री ११ वाजता, बघा बुवा आम्ही तुम्हाला सावध केले आहे. आता तुम्ही आणि शेवंता काय ते बघून घ्या.
