अभिनेता सागर कारंडे याच्यावर विनोदी अभिनेत्याचा शिक्का बसला असला तरी तो वेगळ्या प्रकारची भूमिका सुद्धा ताकदीने करू शकतो याची प्रचिती देणारे ‘इशारों इशारों में’ हे नवीन नाटक आता रंगभूमीवर आले आहे. त्याच्या नेहमीच्या भूमिकांपेक्षा वेगळाच बाज असलेले नाटक तो या निमित्ताने प्रथमच करीत आहे.
या नाटकात अभिनेत्री संजना हिंदूपूर हिच्यासह त्याची जोडी जमली आहे. उमेश जगताप हे सुद्धा या नाटकात महत्त्वाची भूमिका साकारत आहेत. या तिघांच्याही अतिशय वेगळ्या प्रकारच्या भूमिका या नाटकात पाहायला मिळणार आहेत. या नाटकाचे दिग्दर्शन जय कपाडिया यांनी केले असून, अजय कासुर्डे यांनी या नाटकाची निर्मिती केली आहे. नाटकाचे मराठी रूपांतर स्वप्नील जाधव यांनी केले आहे. ‘सरगम क्रिएशन’ या संस्थेतर्फे हे नाटक रंगभूमीवर आले असून, एक वेगळाच विषय या नाटकाद्वारे रंगभूमीवर आला आहे.
+1
+1
+1
+1
