‘शॉर्ट अँड स्वीट’चे पहिले पोस्टर प्रदर्शित,
‘शॉर्ट अँड स्वीट’मध्ये सोनाली कुलकर्णी, श्रीधर वत्सर, हर्षद अटकरी, रसिका सुनील, ओमकार भोजने, तुषार खैर, अजित भुरे आदींच्या भूमिका
गणेश कदम दिग्दर्शित ‘शॉर्ट अँड स्वीट’हा एक संपूर्ण कौटुंबिक मराठी चित्रपट असून तो ३ नोव्हेंबर रोजी होणार प्रदर्शित
गणेश कदम दिग्दर्शित ‘शॉर्ट अँड स्वीट’ चित्रपटाचे पोस्टर नुकतेच प्रकाशित करण्यात आले. ३ नोव्हेंबर २०२३ रोजी प्रदर्शित होणाऱ्या या चित्रपटात एका बुटक्या व्यक्तीची कथा संवेदनशीलपणे रेखाटण्यात आली असून या पहिल्या पोस्टरमध्ये ही बाब अत्यंत ठळकपणे अधोरेखित होते. या पोस्टरच्या प्रदर्शनानंतर या चित्रपटाबद्दलची उत्सुकता वाढली आहे.
सोनाली कुलकर्णी, श्रीधर वत्सर, हर्षद अटकरी यांच्या प्रमुख भूमिका असलेल्या या चित्रपटाच्या या पोस्टरमध्ये हे कलाकार दिसत आहेत. त्यातील नायक श्रीधर वत्सर एका टेबलावर उभा राहून सोनाली कुलकर्णीच्या गालाजवळ आपले ओठ नेतो असे या पोस्टरमध्ये दिसते. या दृश्यातून चित्रपट रंजक आणि वेगळ्या धाटणीचा आहे, हे अधोरेखित होते. त्यामुळे या चित्रपटाची चर्चा चित्रपट रसिक आणि चित्रपट क्षेत्रामध्ये सुरु झाली आहे.
चित्रपटाच्या पोस्टरबद्दल बोलताना दिग्दर्शक गणेश कदम म्हणाले, “आज प्रदर्शित करण्यात आलेले पोस्टर हा चित्रपटाचा एक प्रकारे आरसा आहे. त्यातून चित्रपटाचा बाज समोर येतो. त्याचा दर्जा, रंजकता, कलाकारांची देहबोली या गोष्टी त्यातून समोर येतात. त्यामुळे अर्थातच चित्रपटाबद्दलची उत्सुकता वाढेल.” जगभरातील प्रेक्षकांना बांधून ठेवतो, प्रेरित करतो आणि आपलेपण निर्माण करतो,” असे उद्गार या कंपनीचे संस्थापक श्री गणेश कदम यांनी काढले.
या कंपनीने अनेक चित्रपटांची निर्मिती केली असून त्यात बंदिशाळा (जुन २०१९) या मराठी चित्रपटाचा समावेश असून त्याचे दिग्दर्शन मिलिंद लेले यांनी केले आहे. त्याचबरोबर ‘लोच्या झाला रे’ या चित्रपटाची निर्मिती परितोष पेंटर (फेब्रुवारी २०२२) यांच्या दिग्दर्शनाखाली झाली आहे. त्याचबरोबर ‘कलरफुल’ या चित्रपटाची निर्मिती प्रकाश कुंटे यांच्या दिग्दर्शनाखाली झाली असून हा चित्रपट २०२४ मध्ये प्रदर्शित होत आहे.
‘शॉर्ट अँड स्वीट’ चित्रपटाचे वितरण मंत्रा ल्युमिनॉसिटी या कंपनीने आरजे पिक्चर्सबरोबर केले असून चित्रपट ३ नोव्हेंबर २०२३ रोजी प्रदर्शित होत आहे.
