ऑस्कर अकादमीचे माजी अध्यक्ष जाॅन बेली यांच्या भारत भेटीवर आधारित या अकादमीचे एक सदस्य उज्ज्वल निरगुडकर यांचे एक विशेष पुस्तक लवकरच प्रकाशित होईल असे पणजी ( गोवा) येथील भारताच्या पन्नासाव्या आंतरराष्ट्रीय चित्रपट महोत्सवात खुद्द जाॅन बेली यांनी जाहीर केले. महाराष्ट्र राज्य चित्रपट महोत्सवाचे प्रमुख पाहुणे म्हणून जाॅन बेली आणि त्यांच्या पत्नी कॅरोल लिटीलटोन हे २५ ते २८ मे या कालावधीत भारत भेटीवर होते.त्या काळात जाॅन बेली ऑस्कर अकादमीचे अध्यक्ष होते.
त्या सर्व अनुभवावर आधारित पहिले पुस्तक मराठीत प्रकाशित होईल. त्याचे शब्दांकन चित्रपट विश्लेषक दिलीप ठाकूर यांचे आहे. यानंतर हे पुस्तक हिंदी आणि इंग्रजी या भाषेतही अनुवादित होईल. इंग्रजी पुस्तक ऑस्कर अकादमी लायब्ररीत ठेवण्यात येईल हे विशेष.
+1
+1
+1
+1
