‘हल्कं फुल्कं’ नाटक *तुला पाहिले रे* २१ मे रोजी रंगभूमीवर
आज वर्तमानात घडत असलेल्या राजकीय भूमिकांच्या घटनांचे *पडसाद* तरूणाईवर काय परिणाम करीत आहेत, त्यावरचं एक अगदी ‘हल्कं फुल्कं’ नाटक *तुला पाहिले रे* हे व्यावसायिक रंगभूमीवर शनिवार दिनांक २१ मे २०२२ रोजी येत आहे.
*तुला पाहिले रे* चं लेखन कांतीलाल कडू यांचं असून दिग्दर्शन ज्ञानेश यांचं आहे. देवेंद्र सरदार, अभिषेक पिंगळे यांनी नेपथ्याची धुरा सांभाळली असून प्रकाश योजना नितेश पाताडे यांची आहे, तर रोहित प्रधान यांचं पार्श्वसंगीत आहे.
दूरदर्शन मालिकेत ‘राजारामा’ची भूमिका गाजवणारे तरूण अभिनेते संग्राम समेळ हे नायकाच्या भूमिकेत आहेत. विभूती सावंत आणि गौरी व्याघ्रांबरे यांच्या यात महत्वपूर्ण भूमिका असून आदित्य वारंगे, देवेंद्र सरदार यांच्यासह *लवंडे* च्या आगळ्या वेगळ्या भूमिकेत *ऐंशी वर्षांचा युवा अभिनेता अशोक समेळ* आहे.
