दिग्दर्शक शंतनू रोडे ‘झूम’द्वारे ऑनलाइन उपस्थित, तर डबिंग स्टुडिओतील तंत्रज्ञानां मराठीचा गंध नाही, बरं लॉक डाउन मुळे लंडन येथे अडकून पडलेल्या सुव्रतला मात्र डबिंग करायचेच होते अश्या वेगळ्याच कात्रीत सापडलेल्या अभिनेता सुव्रत जोशीनं या सगळ्यावर मात करत शंतनू रोडे यांच्या सहकार्याने मोठ्या मुश्किलीने ‘गोष्ट एका पैठणी’ची या चित्रपटाचं डबिंग पार पाडले. हा एक त्याच्यासाठी क्रेझी अनुभव होता, अखेर तंत्रज्ञानामुळे या अडचणींवर मार्ग निघाला, असे सुव्रत म्हणतो.
प्लॅनेट मराठी, गोल्डन रेशो फिल्म्सनं, लेकसाईड प्रोडक्शन ने ‘गोष्ट एका पैठणीची’ या चित्रपटाची निर्मिती केली आहे. अक्षय बर्दापूरकर, अभयानंद सिंग आणि चिंतामणी दगडे हे या चित्रपटाचे निर्माते आहेत. शंतनू गणेश रोडे यांनी चित्रपटाचं लेखन आणि दिग्दर्शन केलं आहे. चित्रपटात सायली संजीव, सुव्रत जोशी, शशांक केतकर, मिलिंद गुणाजी आदी कलाकारांच्या मुख्य भूमिका आहेत.
