करूणावी क्रिएटरची निर्मिती तसेच दिग्दर्शक नितीन रोकडे यांच्या आगामी ‘तालीम 2’ या चित्रपटाचा टीझर पोस्टर सोशल मीडियावर नुकताच लाँच करण्यात आला. अनेक हिंदी आणि मराठी चित्रपटाचे संकलन करणा-या नितीन रोकडे यांनी यापूर्वा ‘तालीम’ चित्रपटाचे दिग्दर्शन केले होते. ‘तालीम’मधून कुस्तीसारख्या लोकप्रिय मैदानी खेळाला रूपेरी पडद्यावर यशस्वीपणे मांडणा-या नितीन रोकडे यांच्या ‘तालीम 2’ मध्ये आपल्या देशासाठी असणारी सुवर्ण पदकाची शर्यत पाहायला मिळणार आहे.
या चित्रपटाची कथा नितीन रोकडे यांची असून पटकथा संदिप कुमार रॉय, मधुलिता दास आणि नितीन रोकडे यांची आहे. चित्रपटाचे संवाद जय अत्रे, डॉ. अरूण मिरजकर यांचे असून फारूख खान छायाचित्रणाची जबाबदारी पार पाडणार आहेत. प्रफुल्ल-स्वप्नील या चित्रपटातील गीतांना संगीतबद्ध करणार असून बी.आर. नवीन कुमार साऊंड डिझाइन करणार आहेत. नृत्यदिग्दर्शन रंजू वर्गिस यांचे असून प्रतिक बागडे सहदिग्दर्शन करणार आहेत. कलादिग्दर्शन सुधीर तारकर करणार असून प्रॉडक्शनची जबाबदारी सदाशिव चव्हाण सांभाळणार आहेत. अभिजीत श्वेतचंद्र, दिक्षा एस्. प्रशांत मोहिते, अर्जुन कुसंबी, महेश पाटील, विष्णू जोशीलकर या चित्रपटामध्ये महत्त्वपूर्ण भूमिकांमध्ये दिसणार आहेत.
