लहान मुलांपासून ते मोठ्यांपर्यंत सर्वांनाच चित्रपटसृष्टीच्या जादुई दुनियेची भुरळ असते. सामान्य माणसं तर या झगमगत्या दुनियेला आणि त्यात वावरणाऱ्या कलाकारांना आपल्या रोजच्या जीवनाचाच एक भाग समजतात, काही तर आपला आदर्श मानतात. कलाकारांबद्दल एक वेगळ्याच प्रकारचे आकर्षण सर्वांमध्ये पाहायला मिळते. अगदी नकळतपणे आपण आपल्या आजूबाजूच्या लोकांना विशिष्ट कलाकारांच्या नावाची ओळख द्यायला लागतो जसे, अहमदनगरचा अनिल कपूर, शहापूरचा शाहरुख, नाशिकचा नागार्जून, बदलापूरचा बच्चन, मालेगावची माधुरी, तसाच हा आहे सातारचा सलमान!
‘सातारचा सलमान’ ही गोष्ट आहे एका छोट्या गावात राहणाऱ्या अमित काळभोर या सामान्य मुलाच्या स्वप्नांची आणि जिद्दीची. छोट्या गावात राहूनही मोठे स्वप्न पाहणारा अमित अर्थात सुयोग गोऱ्हे आपल्या सगळ्यांच्याच भेटीला येत आहे, ‘सातारचा सलमान’ या सिनेमातून.
‘सातारचा सलमान’ हा चित्रपट ११ ऑक्टोबर २०१९ रोजी प्रेक्षकांच्या भेटीला येणार आहे.
