यशवंत नाट्य मंदिरात दामले पॅनेलचा जल्लोष
आज ( १९ ) तारखेला अखिल भारतीय मराठी नाट्य परिषदेचा अधिकृत निकाल मुख्य निवडणूक अधिकारी गुरुनाथ दळवी यांनी सायंकाळी घोषित केल्यानंतर प्रशांत दामले यांच्या पॅनलने दणदणीत यश संपादन केल्याचे लक्षात आल्यानंतर माटुंगा येथील यशवंत नाट्य मंदिरात फटाके व ढोल ताशांनी दणाणून सोडले तसेच विजयी उमेदवारांनी प्रचंड जल्लोष करत आपला आनंद व्यक्त केला प्रशांत दामले यांच्या रंगकर्मी नाटक समूहाचा ६० पैकी ५२ जागांवर दणदणीत विजय झाला आहे.
जळगांव व धुळ्याचा निकाल काही तांत्रिक कारणासाठी राखून ठेवल्याचे प्रमुख निवडणूक अधिकारी गुरुनाथ दळवी यांनी सांगितले तसेच या दोन निकालां बाबत योग्य निर्णय घेऊन हे दोन्ही निकाल २९ एप्रिल रोजी जाहीर करण्याचे दळवींनी स्पष्ट केले.
दरम्यान मुंबईतून दिलीप जाधव यांनी प्रसाद कांबळी व त्यांच्या मतातील फेरतपासणी करावी या साठी दिलेला अर्ज मागे घेतला. निवडणुकीच्या निकालाला उगाच उशीर नको म्हणून अर्ज मागे घेतल्याचे जरी दिलीप जाधव सांगत असले तरीही यामागे काही वेगळे कारण असल्याचे नाट्यवर्तुळात बोलले जात आहे.
