“संत मारो सेवालाल” संपूर्णतः बंजारा भाषेतील चित्रपट
संत सेवालाल यांच्या जीवनकार्याचा वेध घेत सामाजिक परिस्थितीवर भाष्य करणारा “संत मारो सेवालाल” हा चित्रपट येत्या नवीन वर्षात १३ जानेवारीला संपूर्ण महाराष्ट्रात प्रदर्शित होण्यास आता सज्ज झाला आहे. सुप्रसिद्ध अभिनेत्री दीपाली भोसले सैय्यद या चित्रपटाच्या माध्यमातून सिनेनिर्मिती क्षेत्रात पदार्पण करत आहे.
दुष्काळ, अडचणीत असलेला शेतकरी या समस्या मांडतानाच “संत सेवालाल” यांचा जीवनपट, त्यांचे कार्य, त्यांनी दिलेला संदेश असे या चित्रपटाचं कथानक आहे. बंजारा समाजासाठी महत्त्वाचा असलेला हा चित्रपट संपूर्ण भारतीय प्रेक्षकांनाही विचार देणारा आहे. चित्रपटाचं पोस्टर अतिशय लक्षवेधी आणि संत सेवालाल यांच्याविषयी कुतूहल निर्माण करणारं असून हा चित्रपट नक्कीच लक्षवेधी ठरणार यात शंका नाही.
+1
+1
+1
+1
