शिवजयंतीनिमित्त ‘ शिवप्रताप ‘ या नाटकात शारदाश्रम विद्यामंदिरचे विद्यार्थी
शारदाश्रम विद्यामंदिर मराठी प्राथमिक शाळा दादर या संस्थेने श्री छत्रपती शिवाजी महाराजांना मानवंदना देण्यासाठी विनया एंटरटेनमेंट प्रस्तुत , प्रविण विनया विजय राणे निर्मित आणि दिग्दर्शित ऐतिहासिक ” शिवप्रताप ” या नाटकाचे गुरुवार दिनांक 20 फेब्रुवारी रोजी सकाळी ठिक 11 वाजता शिवाजी मंदिर दादर येथे आयोजन केले आहे
शारदाश्रम विद्या मंदिराचे मूळ उद्दिष्ट आहे आपली माय मराठी मातृभाषा ही अबाधित राहावी मराठी शाळांचे भविष्य उज्वल व्हावे त्याचप्रमाणे मराठी शाळा हे अशा प्रकारचे उपक्रम राबवून आपला इतिहास चालत्या बोलत्या स्वरूपात आपल्या मुलांना कोणत्या प्रकारे दाखवतात आणि जगवतात हे या नाटकातून दाखवलेले मूर्तिमंत उदाहरणच आहे.
या उपक्रमा संदर्भातच पत्रकार परिषद घेतली असता त्या पत्रकार परिषदेत संस्थेचे पदाधिकारी चंद्रकांत रसाळ सर , मुख्याध्यापिका दीप्ती इंदुलकर मॅडम , ज्येष्ठ शिक्षक कांचन खरात व राजेंद्र घाडगे , शिक्षक विकास धात्रक, संतोष पाटील आणि त्याच सोबत शिवप्रताप या नाटकात विरमाता जिजाऊंची मुख्य भूमिका साकारणाऱ्या आरती राजाध्यक्ष उपस्थित होत्या
मराठी शाळा टिकाव्यात जास्तीत जास्त मुलांनी आपल्या मायबोली मराठी भाषेकडे वळावे व पालकांनी मराठी शाळांना प्राधान्य द्यावे यासाठी शिक्षक तळमळीने पत्रकारांशी बोलत होते
या नाटकासोबतच शाळेचे अनेक निरनिराळे उपक्रम होत असतात सांस्कृतिक कार्यक्रमात शाळा अग्रेसर आहे त्याचप्रमाणे या शाळेतून सचिन तेंडुलकरांसारखे व्यक्तिमत्व घडले आहेत अनेक कलाकार घडले आहेत आणि या शाळेला या सगळ्या माजी विद्यार्थ्यांचा सार्थ अभिमान आहे असे ज्येष्ठ शिक्षिका कांचन खरात यांनी सांगितले
या शाळेत जास्तीत जास्त मुलांनी प्रवेश घेऊन या शाळेचे भवितव्य उत्तुंग होण्यासाठी आम्ही कायम कटिबद्ध राहू असे शिक्षकांनी या पत्रकार परिषदेतून आवाहन केले आहे
शिवाय 20 तारखेला शिवाजी मंदिर येथे होणाऱा नाट्य प्रयोग हा खरोखरच पाहण्यासारखा आहे आणि या नाटकात तब्बल 45 भूमिका महिला साकारत असून या नाटकाबद्दल एक वेगळेच आकर्षण आणि विशेष कुतूहल शिक्षक आणि पालकांच्या मनात आहे
