‘कलाश्रम’ ही शैक्षणिक सामाजिक सांस्कृतिक उपक्रम राबवणारी संस्था असून २८ डिसेंबर २०२० या दिवशी या उपक्रमाचा रौप्य महोत्सवी कार्यक्रम पु. ल. देशपांडे कला अकादमी प्रभादेवी येथे अभिनेते दिग्दर्शक अरुण नलावडे यांच्या उपस्थितीत होणाऱ्या कार्यक्रमात सामाजिक कार्यकर्त्या संजीवनी चव्हाण, छायाचित्रकार व मुंबई न्यूज 24×7 चे मुख्य संपादक, पत्रकार सचिन चिटणीस, गायक संगीत शिक्षक संकेत जाधव आणि संगीत संयोजक, वादक चंद्रकांत पांचाळ या चौघांचा दखल पत्र देऊन त्यांचा सन्मान करण्यात येणार आहे. स्वातंत्र्यसैनिक डॉक्टर परशुराम पाटील कला केंद्राच्या अंतर्गत हे उपक्रम राबविले जातात.
मृण्मयी मोडक या स्पर्धेच्या संयोजिका आहेत तसेच या प्रसंगी ‘छाया काव्य’ या चारोळी संग्रहाचे प्रकाशन होणार आहे. नंदकुमार पाटील यांनी या पुस्तकाचे संपादन तर नंदिनी पाटील यांनी या पुस्तकाचे संकलन केले आहे. या कार्यक्रमाचे सूत्रसंचालन पूजा सामंत करीत आहेत तसेच दखल पत्राचे वाचन लीना माने, वैभव सुर्यवंशी, तुषार गोसावी आणि सचिन राऊत करणार आहेत. २८ डिसेंबर रोजी सायंकाळी सात वाजता रविंद्र नाट्यमंदिर येथील पु. ल. देशपांडे कला अकादमीच्या ॲनिमेशन हॉलमध्ये हा कार्यक्रम होणार आहे. कोरोनाची पार्श्वभूमी लक्षात घेऊन फक्त कार्यक्रमात सहभाग असलेल्या व्यक्तींना येथे प्रवेश दिला जाईल. असे संयोजकांनी सोबत स्पष्ट केले आहे.
