प्रसिद्ध ब्रँड ‘जंपिन‘च्या अधिग्रहणासह ‘रसना रेडी-टू-ड्रिंक‘चा बाजारात प्रवेश
‘जंपिन‘ची ३५० कोटी रुपयांना खरेदी.
जंपिनच्या संपूर्ण भारतातील विविधीकरणासह ‘आरटीडी‘ व्यवसायातील १००० कोटी रुपयांचा हिस्सा मिळवण्याचे लक्ष्य
मुंबई, : जगातील सर्वात मोठ्या इन्स्टंट शीतपेय उत्पादक कंपनी ‘रसना प्रायव्हेट लिमिटेड’ने एका धोरणात्मक अधिग्रहण संधीद्वारे भारतातील वेगाने विस्तारणाऱ्या रेडी-टू-ड्रिंक (आरटीडी) विभागात प्रवेश करत ३५० कोटी रुपये मूल्यांकनात स्वतंत्रपणे आयकॉनिक बेव्हरेज ब्रँड ‘जंपिन’ विकत घेण्याची घोषणा केली. हे अधिग्रहण रसना प्रायव्हेट लिमिटेडच्या ‘नॉन-कार्बोनेटेड’ पेय श्रेणीमध्ये आपले स्थान वैविध्यपूर्ण आणि मजबूत करण्याच्या व्यापक दृष्टिकोनातील एक मैलाचा दगड ठरले आहे.
मूळतः गोदरेज ग्रुपचे प्रमुख उत्पादन म्हणून लाँच केलेले ‘जंपिन’ हे पहिले टेट्रा पॅक ब्रँड होते. त्याला ८० च्या दशकाच्या सुरुवातीपासून त्याच्या विविध प्रकारच्या चवदार टेट्रा पॅक आणि त्याच्या संस्मरणीय बाबा सहगल आणि इतर अनेक जाहिरातींसाठी ग्राहकांचा व्यापक प्रतिसाद मिळाला. यानंतर ‘हर्षेज इंडिया’ने प्रस्थापित केलेला हा ब्रँड आता ‘रसना प्रायव्हेट लिमिटेड’च्या मालकीअंतर्गक एका नवीन वाढीच्या टप्प्यात प्रवेश करत आहे.
जंपिन आता एक आरोग्यदायी, प्रगत, घट्ट, चवदार म्हणून पुन्हा लाँच केले जात आहे, जे भारतातील पहिले पेय ठरणार आहे. हा ब्रँड आता आधुनिक रिटेल, ई-कॉमर्स प्लॅटफॉर्म आणि रसना प्रायव्हेट लिमिटेडच्या मजबूत ग्रामीण वितरण नेटवर्कद्वारे संपूर्ण भारतात विक्रीसाठी उपलब्ध असणार आहे.
अधिग्रहणाबद्दल बोलताना, रसना प्रायव्हेट लिमिटेडचे ग्रुप चेअरमन पिरुझ खंबाट्टा म्हणाले की, ‘जंपिनचे धोरणात्मक अधिग्रहण रसना प्रायव्हेट लिमिटेडच्या वाढीच्या कार्यसूचीतील एक महत्त्वाचा टप्पा आहे. जंपिनचे मजबूत ब्रँड निपक्षपाती धोरण आणि ग्राहकांचा उच्च प्रतिसाद यामुळे आमच्या पेय उत्पादनांच्या श्रेणीतील ही एक मौल्यवान भर पडली आहे. हे पाऊल आमच्या ‘रेडी टू ड्रिंक’ विभागाच्या विविध श्रेणीतील विविधता आणि ब्रँड एकत्रीकरणाच्या आमच्या दीर्घकालीन दृष्टिकोनाशी सुसंगत आहे. शिवाय स्वदेशी आणि एका भारतीय विश्वासार्ह ब्रँडवर लक्ष केंद्रित करून ते भारत सरकारच्या ‘मेक इन इंडिया’ उपक्रमाप्रती आमची वचनबद्धता बळकट करते. ही बाब लक्षात घेऊन, ‘जंपिन’ची पेय पूर्णपणे भारतीय फळांचा वापर करून तयार केले जातील. या अधिग्रहणाद्वारे आम्ही भारतीय ग्राहकांना मूल्य-चालित, उच्च-गुणवत्तेच्या ऑफर देऊन उत्पादन विकास, वितरण आणि बाजारपेठ विस्तारामध्ये नव्याने समन्वय साधण्याचे उद्दिष्ट ठेवतो.
जंपिनला पुन्हा लाँच करण्याच्या धोरणाचा एक भाग म्हणून, कंपनी ग्राहकांना प्रवासात आणि कौटुंबिक सोहळ्यात वापरण्याजोगी उत्पादन २५० मिली, ६०० मिली आणि १.२ लिटर प्रकारात आकर्षक, ‘पीईटी’ बाटल्यांमध्ये सादर करेल. आरोग्याबाबत जागरूक असलेल्या आणि आधुनिक ग्राहकांना, विशेषतः ‘जनरेशन झेड’ आणि तरुण कुटुंबांना आकर्षित करण्यासाठी हा ब्रँड १२५ मिली, २०० मिली आणि १ लिटर पॅक आकारात सोयीस्कर अशा टेट्रा पॅक स्वरूपातही उपलब्ध असणार आहे. हा ब्रँड जून महिन्यात बाजारात येणार आहे. कंपनी प्रथमत: स्थानिक प्रमुख आणि महानगरीय बाजारपेठांना लक्ष्य करून स्वादिष्ट आंबा, लिंबू, लिची आणि पेरूच्या चवींमध्ये अनेक उत्पादने लाँच करेल आणि त्यानंतर टप्प्याटप्प्याने राष्ट्रीय विस्तार केले जाईल.
भारतातील ‘आरटीडी’ पेय बाजारपेठ वेगाने वाढत असताना हे अधिग्रहण करण्यात आले आहे. जागतिक व्यवस्थापन सल्लागार फर्म ‘आयएमएआरसी ग्रुप’च्या मते, भारतातील फळांच्या रसांची बाजारपेठ २०३३ पर्यंत १,२२,८५५ कोटी रुपयांपर्यंत पोहोचण्याचा अंदाज आहे, जो २०२५-२०३३ दरम्यान ११.९० टक्के इतका ‘सीएजीआर’ (चक्रवाढ वार्षिक वाढ दर) दर्शवितो. आरोग्य आणि निरोगीपणाबद्दल ग्राहकांमध्ये वाढती जागरूकता, तसेच नैसर्गिक आणि पौष्टिकतेने समृद्ध पेयांच्या वाढत्या मागणीमुळे प्रामुख्याने बाजाराच्या वाढीला चालना मिळत आहे.
एक संशोधन नेतृत्व संस्था म्हणून, रसना प्रायव्हेट लिमिटेडने त्यांच्या जंपिन ब्रँडच्या यशस्वी पुन्हा लाँचिंगसाठी आवश्यक असलेले प्रमुख घटक ओळखले आहेत. कंपनी ‘जंपिन’ हे तयार फळांच्या रसाचे पेय लाँच करणार आहे जे ‘क’ जीवनसत्वासह इतर१० जीवनसत्त्वे आणि खनिजांनी समृद्ध आहे. ग्राहकांच्या विशेषतः ‘जनरेशन झेड’च्या वाढत्या पसंतींनुसार कंपनी जीवनसत्वांचे दृढीकरण, कमीत कमी उष्मांकाच्या सूत्रीकरण यासारख्या नवकल्पनांवर लक्ष केंद्रित करत आहे. भविष्यात कंपनी प्रथिने आणि दुधावर आधारित सुधारणांसह जंपिनच्या मूल्यवर्धनावर देखील काम करेल. आरोग्याबाबत जागरूक ग्राहकांसाठी जंपिनला अधिक सुसंगत आणि आकर्षक पर्याय म्हणून पुनर्स्थित करण्यासाठी या सुधारणा डिझाइन करण्यात आल्या आहेत. हे घटक ब्रँडची कार्यात्मक पोषण, उत्तम चव आणि दैनंदिन आरोग्यासाठीची वचनबद्धता बळकटही करतात.
